Það vakti nokkra athygli þegar stofnendur Músiktilrauna fengu íslensku tónlistarverðlaunin fyrir framtak sitt á síðustu verðlaunaafhendingu. Sannarlega vel að því komnir, þessi skemmtilega hljómsveitakeppni hefur verið haldin á hverju vori síðan 1982 og fjöldi góðra listamanna hefur komið sér á framfæri með þáttöku sinni. Músiktilraunir 2009 voru sérlega vel heppnaðar. Sigurvegari var hljómsveitin Bróðir Svartúlfs og í öðru sæti einsmanns bandið Ljósvakinn. Í þriðja sæti voru síðan hinir bráðefnilegu drengir í "The Vintage". Hljómsveitina skipa:
Óskar Logi Ágústsson: Gítarleikari og söngvari 14 ára (15 ári)
Halldór Gunnar Pálsson: Bassaleikari 14 ári (15 ári)
Guðjón Reynisson: Trommari 15 ára
Það er okkur ánægja að segja frá því að þeir Óskar og Halldór eru nemendur í GÍS og hafa verið um nokkurt skeið. Urðum við gítarskólamenn lítið hissa þegar Óskar var kosinn besti gítarleikarinn, því hann er stórefnilegur og æfir vel undir styrkri leiðsögn Steina í Hjálmum.´
Óskum við Óskari og The Vintage til hamingju með frábæran árangur og hvetjum alla til að kynna sér tónlist þessara ungu manna.
"The Vintage" á MySpace/Facebook: www.myspace.com/thevintage
